نكت جامدة على الاخر

مرة شرطي مرور مسك واحدبيعمل امركانى بالعربية .. وقاله ادفع مخالفة 50 جنيه ... رد السواق وقال :ماعيش إلا ورقة بــ 100 جنيه ..... قال له شرطي المرور خلاص روح اعمل أمريكانى بــ 50 جنيه تانيه ..وارجع

واحد غبى شاف قشرة موزه على الأرض فقال يييه هاتزحلق تانى

مرة واحد واقف على الكوبرى عمال يقول 53 53 53 فالناس اتلمت وفى واحد راح قاله ايه 53 ده قام قايله بص كده فلما بص قام رميه وقعد يقول 54 54 54

واحد بيسال ابوه بيفول له مين اللى جاب لك النجفة دى يابابا لما اتجوزت ماما ؟؟؟ قال له لأ .. ده جدك ........ الولد : طب مين اللى جابلك العربية ؟؟ قاله جدتك .... قال له امال ماما جابت لك ايه ؟؟؟ قال له الضغط

مره واحد كان ماشي في الشارع بيقول حماتي حماتي.... واحد معدي بيقوله مالها حماتك؟؟ قال له الحمار رفسها ماتت ، قاله كل الناس دي جاية تعزي في حماتك؟؟ قاله لأ دول جايين يشتروا الحمار

واحد بيسال صاحبه ليه الورق بيسقط في الخريف قاله اصله ما ذاكرش حاجه طول الصيف

مرة واحد عايز يحتفل بعيد الطفولة ..... راح عملها علي روحه

واحد بخيل ابنه نجح جاب له مكنة خياطة عشان يشتغل فى الاجازة

حرامي خبطتة عربيه ... قالوا له م أخدتش النمرة ليه ؟؟؟؟؟ قال لهم اصلها كانت ممسوكة بمسامير

الراديو:والاعب بيشوط بمشط رجله يااااااااااه بتيجى في المقص صبي الحلاق:إلحق يا معلم بيلعبوا في العدة

مره واحد عايز يثبت التاني .... راح دالق عليه برطمان جيل كريم

واحد اشتغل فى وزارة المياه .. اول يوم ليه فى شغل رايح لابس مايووه

مرة واحد ركب دماغة وساق فى العبط ..... دخل في الحيطة

واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز

واحد راح للدكتور وقال له :انا جسمي بيوجعني يا دكتور من هنا ومن هنا وقعد يشاور علي كل جسمه... وفى الآخر الدكتور اكتشف ان صباع المريض فيه دملّ

مره استاذ بيقول للناظر..... الطلبه بينطوا من على السور..... الناظر قال له : هدوه

واحد مسطول ماشى فى بيتهم خبط فى امه.. راحت قالت له:انت اعمى؟؟ مش شايفنى؟؟ بص لها بمنتهى الهدوء وقال:لأ ... انا شفتك طبعآ بس مش فاكر فين؟؟

مذيعة اتجوزت واحد شخصيته مهزوزة .... ركبت له إريال

ضبطوا اتنين أغبية بيلعبوا صلّح لوحدهم

مره واحد عنده جموسه حرقها عشان ينزل اللبن مغلي

مرة مدرس عربى سأل تلميذ ما معنى كلمة جوز هند قال التلميذ كوكو نت قال له المدرس حوطها فى جملة قال له التلميذ كوكو نت من الشباك

مرة غبى ابوة مات بعتة يتعالج برة

مرة ست عجوزة قالوا لها الدش حرام قالت لهم الحمد للة بقالى 68 سنة بستحمى فى الطشت

ليه بيحطوا غطاء علي الزير ؟؟؟؟؟؟؟؟؟؟ علشان يحطوا الكوز عليه

مرة واحد بيتكلم مع صاحبة فى الموبايل فالخط بيقطع فصاحبة بيقولة الخط بيقطع لية فقال له اصلى جايب الخط بالتقسيط

استلذ سال تلميذ الثعلب بيولد ولا بيبيض قاله ده مكار اتوقع منه اي حاجه

مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردك عملت كده.... فالاول راح فقع عين حصانه ، و راح قال للتاني.... فالتاني قاله ااه يخرب بيتك انا بردك عملت كده.... فالاول قاله انت هتصدعنى في دماغي... خدت انت الحصان الاسود وانا الحصان البيض

واحد مغلب مدرس الجغرافيا معاه .... عشان عايز يعرف خط الإستواء ده فودافون ولاّ موبينيل ؟؟

واحد سرق كرسي من القهوة وطلع يجري ... صبى القهوة شافه اخد ديله ف سنانه و جري وراه ... قام الحرامي لمحه بيجري وراه ....... راح وقف فى نص الطريق وقعد على الكرسى .. قال للاهوجي هات لى واحد شاي

واحد دخل صيدلية وقال للصيدلي إديني حقنة من اللي بتاخدها مراتي.... الصيدلي قال له إسمها إيه؟ قال له مديحة

مرة واحدة قاعدة مع جوزها قاللها انا بحب فيتراك قالت له و انا بحب مجدى قالها فيتراك دي مربى قالت له ومجدى ده عسل

اتنين صحاب أغبية ... الاول بيسأل التانى : هو ابوك متنّك علينا كده ليه ؟ التانى : ليه بس حصل ايه ؟ الاول : من ساعة ما مات مبقاش يعدى يسلّم زى الاول

واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة

مرة واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه

مرة واحد سمع ان الجرائد هتغلى ........... راح اشترى منها كمية كبيرة

ليه الكتكوت مبيكدبش على الفرخه؟؟ علشان هيه الي فقساه

واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد.....

واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت

واحد كل م ينزل من بيته يلاقى واحد قاعد جنب عمود بيدخن سيجارتين فساله عن السبب.. قاله انه متعود هو و واحد صاحبه ان يقعدوا يشربوا سجاير هنا، بس صاحبه مات فبيشرب واحده ليه و واحده لصاحبه ...... بعد مده صاحب البيت شاف نفس الراجل تحت العمود بيشرب سيجاره واحده فقاله انت نسيت صاحبك ولا ايه ؟؟؟؟ قاله: لأ اصل انا بطلت

زوجة ماشية فى عزاء جوزها وعمالة تصوت وتقول يا حبيبى يا جوزى .....واتنين رجاله ماشيين شايفنها، واحد بيقول للتانى ياسلام شايف الست دى بتحب جوزها قد ايه!! قاله ياراجل انت بتصدق الحاجات دى ، طب استنى هاوريك وراح ورا الست وقال.....ياجميل يا عسل أخ لو تقولى ساكن فين أتجوزك بعد الأربعين على طول ؟؟ ..الست ردت : يا حبيبى ياجوزى يالى مسكنى فى مساكن الروضة عمارة 37 تانى شقة على اليمين

واحد غبي ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟ إكتشف انه كان راكب ورا

واحد بخيل عنده 4 اولاد ..... جاب لهم حته لحمة ، وقال لهم: كل واحد يمضغها ويديها للي جانبه

مرة قروي شاف لوحة مكتوب عليها : مرزعة أبقار فسأل صاحبها : كيف تزرعون الأبقار فرد عليه نرش سكر على التراب وثاني يوم يطلع بقر فأخذ القروي كيس سكر ورشه على الأرض وثاني يوم راح يشوف البقر فوجد السكر عليه نمل فقال : والله البقر وهو صغير شكلوا حلو

مره واحد بخيل حط فلوسه في البنك وكل ما يجى الليل يعدى من عند البنك و يضرب كلاكس ليه؟؟؟؟؟؟ علشان يصحي حارس البنك

مرة عيادة فيها دكتور أحول..... دخل عليه مريض أحول....الدكتور قال له ما تدخلوش بالأثنين(واحد واحد)...... المريض قال له: مش جايلك جاى للدكتور اللى جنبك

اتنين اغبيه واحد قال للتاني :الغرب يا اخويا عمالين يخترعوا حاجات جديدة ويطلعوا القمر وحتي المريخ واحنا اجدع ناس مش عارفين نعمل حاجة؟ قام التانى قاله :طب خلاص احنا نروح نطلع الشمس! الاول قاله: بس الشمس بتكون حامية قوي ...التاني قاله خلاص نطلعها بالليل !!

غبىراح عمل سشوار عند الحلاق وقال عندي فرح بعد اسبوع وعايز شعري يفضل حلو كده الحلاق قاله بس ابعد عن الميه -- رجع بعد 3 ايام بيقول للحلاق ...... عطشـــاااااااان.

واحدة ست تخينة قوى قوى مش عارفين يوزنوها علشان الميزان كل مرة ينكسر جابوا احدث ميزان من برة وقالوا خلاص هنعرف وزنها بعد ماطلعت على الميزان الميزان خرج ورقة مكتوب عليها لو سمحتوا ياجماعة واحد واحد بالدور

مرة واحد راح محل سندوتشات سال الراجل :عندك سندوتش هامبرجر من غير كاتشاب -رد عليه و قاللو :مفيش كاتشاب تخده من غير مسترده؟

واحدة قالت لجوزها : قولي كلمة تحسسني بيها اني مراتك ........ قال لها : روحي وانتي طالق .

فى المتحف المصرى سأل الولد أبوه ,تمثال مين ده يابابا؟ ,رد الاب : مش عارف يابنى ...... طب صورة مين دى يابابا؟ , مش عارف يابنى ..... طب مين اللى محنطينه هناك ده يا بابا ؟؟ , مش عارف يابنى ..... شوية و أم الولد قالتله: ياواد بس بقى كفاية اسئله تعبت أبوك ........, رد أبوه : ياوليه خلى الواد يسال علشان يتعلم

صبى كسلان جدا شغال مع ميكانيكى كل اما المعلم يقول له هات مفك ، يقول له كمان شويه ...بكره ... مش وقته. ، وفى يوم لمبة الورشة اتحرقت ، المعلم قاله ركب اللمبه قال له دى حاجة سهلة قوى ، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟؟؟؟؟؟؟؟؟؟؟؟ قال له اللمبه قلاووز وانت اللى مبتلفش يا معلم

واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق

تزوج لص من لصه... فولدت له طفلا و لكن يده كانت مقفوله.... فاخدوه الى الطبيب ليفتحها فوجدوا بها خاتم الممرضه !!!!

مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها

مره حشاشين كانو قاعدين في خيمه...بس مكانش معاهم حاجه يولعو بيها فبعتو واحد منهم يجبلهم ولاعه...طلع ودخل من الناحيه التانيه !!و قال يا جماعه لو سمحتو ممكن ولاعه.... قالوله اقعد..اقعد.. احنا بعتنا واحد يجيب..

صرصار بيجرى ورا عربية صرف صحى سالوه ليه ؟ قال المغفل .. شفط المدام

ديك و فرخه معدييمن من قدام محل شاورما ..الديك بيقولها شوفى اللى بيحصل للى مبتسمعش كلام جوزها

مرة واحد بخيل قال لابنه روح هات شاكوش من الجيران راح ورجع قال له مالقيتش قال له شوف عند اللي فوقينا رجع وقال له مفيش قال له دور تاني راح وغااااااااب ورجع يقول له مش لاقي يا بابا قال له خلاص بأه هات اللي في الدرج

واحد عايز ينيم شعره ...... حكي له حكاية

مره واحد جه يًًزوّّر فلوس ، فقال يجرب فى ورقة بعشرين جنيه ...... فراح رسمها كويس قوي وكتب بدال العشرين .. 18 ... ونزل عشان يفكها ، فقابل واحد وقال له ممكن تفكها لي جنيهات فقال له الراجل زورتها ازاي ؟؟؟؟؟؟؟ قام خاف و خد بعضه و جرى ، و بيفكر ازاي الراجل عرف انها مزورة ، فراح يجرب يفكها من ابن عمه ، فقال لابن عمه ممكن تفك لي الــــ 18 جنيه دي جنيهات ، فقال له ما فيش جنيهات فكه ، تاخد ورقتين بتسعة ..

كمبيوتر قال لكمبيوتر انتى طالق ..... قالت يالهوى والسى دى اللى فى بطنى

واحد كل ما ينام يحلم بكتاكيت بتلعب كوره راح للدكتور وحكى له المشكلة ، فالدكتور قال له نام علي جمبك اليمين ... فروح ونام علي جمبه اليمين ، بس مفيش فايده ... راح لدكتور تاني برده مفيش فايده في الاخر سافر يتعالج بره ، الدكتور قاله يابني علاجك الوحيد انك ماتنمش النهارده ... لو مانمتش خلاص مش هتحلم بيهم تاني ... الراجل قعد يفكر وقاله ازاي مانمش وانهارده الماتش النهائي

اتنين مساطيل قاعدين وبعدين فى جنازة معدية عليهم ... وعلى نفس الطريق فى عربية نقل جاية بسرعة فائقة ..... فالجنازة تركت الميت وجريت .... وفجأه العربية ضربت فرامل وتفادت الجنازة ..... فالمسطول قال لصاحبه تصدق .. الميت ده انكتب له عمر جديد

واحد بيقول لمراته أنا عايز لما أرجع من الشغل النهارده ألاقيكى عاملة محشى... قالتله بس أنا ماعرفش أعمل محشى... قالها ماليش دعوه أنا عايز محشى وسابها ونزل... ولما رجع لقى ترابيزة السفرة كلها محشى قالها طيب المحشى ده جه منين؟؟؟ قالتله الظاهر كده ان البيت فيه عفاريت قالها عفاريت !!! يبقى لازم نعزل دلوقتى نروح حلوان ، .جاب عربية نقل علشان يحمل العفش ، لاقى العفش بيتحمل لوحده و الثلاجة والمكتب وغرفة السفرة ولالقى أربع عفاريت واقفين فوق العربية وبيقولوا ..حانروح حلواااان...حانروح حلواااان.

واحد سافر امريكا ...وبعد سنتين اتصل بأبوه وقال له انا اتجوزت وجاني ايدز .......... ابوه إضايق قوى وقال له ... ليه ما سميتوش على اسم جدك

غبى شاف مقهى انترنت مكتوب عليه الساعه بــ 3 جنيه .... دخل يسأل هي ضد الماية ؟؟

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

مرة 4 دراكولا قاعدين علي قهوة 3 طلبوا دم سخن والرابع طلب مايه مغليه ليه ...؟ علشان معاه دم فتله.

واحد راح للدكتور قالوه انا عندي صداع قالوا الدكتور انتا بتنام والشبك مقفول ولا مفتوح قالو مقفول ، قالو الدكتور افتحوا ....تاني يوم جالو الراجل .. فقالو الدكتور ها راح الصداع ؟ قالوا : الصداع راح.....والبوتجاز راح......والتلفزيوون راح.... و....و

واحد غيى ... حط إيده في جردل فيه ماية نار .... فحس ان صباع من اصابعه ناقصة .. فحط رأسه في الجردل عشان يدور عليه

مرة واحد هربان من البوليس لقي تمثال الظاهر بيبرس ...فوقف جنبه وعمل زيه .... فعدي 2 مساطيل واحد بيقول للتاني ده الظاهر عبيط

اثنين مساطيل قاعدين فى قهوة وقدامهم مرايه ... واحد قال للتاني بص الأتنين اللى قاعدين هناك دول ..تعالى نروح لهم........ جم يقوموا ، راح قايله أقعد ... همّا اللى جايين

لاعب كرة أضاع ضربة جزاء عن عمد فسألوه لماذا.. قال:لآن التعادل من صالحنا

مسطول بيسأل صاحبه هو الزيتون له رجلين ؟؟ قال له : لا ... قال : يبقى انا أكلت خنفسه

مسطول بياكل فيشار فى الشارع ، وواحده وقعت منه ...فقاعد يقول لها اطلعى اطلعى اطلعى احسنلك ..... قام فى الاخر راح رامى الفيشار كله وقال لهم هتوها

مرة واحد عالم حب يعمل تجربة علي ضفدعة قام قطعت الرجل الاولى و قالها نطى فنطت فكتب ملاحظة عند قطع الرجل الاولى الضفدعة تنط فقطع الرجل الثانية قالها نطى فنطت كتب الملاحظة الاولى قطع الرجل الثالثة وقالها نطى فنطت و كتب نفس الملاحظةو قطع الرجل الرابعة والها نطى منطتش فكتب عند قطع الرجل الرابعة الضفدعة تفقد حاسة السمع

ظابط مسك واحد مسطول بالليل كان معاه حشيش سأله انت بتشرب حشيش قاله ايوه يا باشا وبتاجر فيه كمان قاله ايوه تاني يوم اتعرض على النيابة سأله وكيل النيابة انت بتشرب حشيش قاله لا يا بيه طب بتاجر فيه قاله لا يا بيه قاله ليه قلت للظابط كده قاله كنت مسطول يا بيه

مرة واحد ركب جهاز إظهار رقم الطالب فى الموبايل بتاعه

فى بلد كلها أغبية فى نهاية هذه البلد حفره كبيرة كل ما واحد يعدى يقع فى هذه الحفره فقالوا لازم نجيب حد ذكى يحل المشكلة دى ...... جابو أذكى ثلاثة فى البلد الأول قال: أحنا نقف هنا واللى يقع نطلعه ونوديه المستشفى الثانى قال له أنتى غبى مأحنا نجيب الإسعاف تقف هنا واللى يقع تخده هى وتوديه المستشفى .......فقال الثالث أما أنتو بلد أغبيه صحيح مأحنا نردم الحفره دى ونحفر وحده عند المستشفى علطول

ثلاثة فشارين راحوا فى للغابة علشان يصطادوا الأول قال هاصطاد أرنبين والثانى قال هاصطاد غزالين والثالث حب يوسعها وقال هاصطاد نمرين وراح كل واحد على اساس يصطاد اللى قال عليه الأول اصطاد الأرنبين والثانى الغزالين ولما جه الدور على الثالث شاف نمر وباين عليه جعان قام النمر جرى وراه وهو بيجرى عدا علي اصحابه قالهم امسكوه على بال ما اجيبلكوم الثانى .

واحد سافر الصين يشتغل سواق تاكسي كل ما يركب واحد معاه يقول له مش انا لسة حالاً موصلك انت بتروح فين؟

في واحد مسطول سالوه ايه رايك في الزواج المبكر ؟ قال لهم .... يعنى حوالي الساعة كام ؟؟